أثارت الفنانة ساندي جدلًا واسعًا عبر مواقع التواصل الاجتماعي خلال الساعات القليلة الماضية، بعدما طرحت سؤالا يدعو للتفكير حول سبب وجود الإنسان على الأرض، وتغير المشاعر من وقت لآخر، واستكملت إحنا جينا الأرض أو العالم المادي عشان نتزكي يعني نتطور ونعيش جميع الأسماء أي المشاعر، وعلم آدم الأسماء كلها، طب ليه ولإيه، تخيلو كده لو إحنا مجرد طاقة، يعني مثلًا لو البنزين موجود بس مفيش عربيات هيعرف إزاي قيمته، هي الفكرة بس إننا نعلي القيمة الذاتية ونستمتع بالمتاح ونستخدمه للتزكي مش نقف ونندب حظنا.
فيديوهات ساندي
تابعت ساندي في اليديوهين دول فرق وعي أنا هو هو نفس الجسد بس مش نفس الوعي، هناك كنت وعي الضحية شخص شايف إنه إتأذي من ناس ما عملش معاهم غير كل خير، و لكن الحقيقة إني نفسي اختارت الإختبار ده، إني أتأذي عشان أتعلم وأوقف pattern اختياري الخطأ وأبقي شخص واعي قوي قادر على تغيير مساره، مفيش حاجة اسمها مكتوبلي في حاجة اسمها مقادير للقدر، يعني بتعمل إيه أدي لـ إيه، مش صح ولا ايه.
أحدث الأعمال الغنائية لساندي
طرحت المطربة ساندي أحدث أعمالها الغنائية والتي تحمل عنوان شكرا على امبارح، عبر قناتها الرسمية على موقع المشاهدات العالية الشهير، أغنية شكرا على امبارح من كلمات وألحان عزيز الشافعي والتوزيع الموسيقي توما وجيتار أحمد حسين، والأغنية طرحتها ساندي على طريقة الفيديو كليب من إخراج عاصي.
أعمال ساندي السابقة
طرحت ساندي قبل أسبوع أغنية قلبى اتهكر من ألبوم شكرا على امبارح، ولاقت الأغنية نجاحًا واسعًا فور طرحها على مواقع التواصل الاجتماعي المختلفة، وتقول كلمات أغنية قلبي اتهكر كالتالي، قلبى اتهكر تحضر سيرته لساني يشكر من غير حتى ما عقلي يفكر بيحلي اليوم بيخليه مسكر، مهما بقول يستاهل أكتر غيابه يوتر أدمنته ومش هعرف أبطل ده ملاك وفإنسان متنكر، بيصفى الجو لو كان متعكر مهما بقول يستاهل أكتر.
عمر ساندي الحقيقي
حلّت ساندي ضيفة على البرنامج الإذاعي أجمد 7، للإعلامية جيهان عبد الله، قائلة أنا شخصيتي كرتونية وطفولية وبتطلع غصب عني تلقائي، أنا كبرت لكن داخليا مكبرتش، أنا شهر 4 هيبقى عندي 40 سنة ومبسوطة لأني قدرت أحافظ على شكلي واتعب عليه مش بعمل أي حاجة مضرة بالصحة، وأوضحت ساندي أنها تقول سنها فخرًا، خاصة أن شكلها يبدو أصغر من عمرها بكثير، لذلك تحب أن تتحدث عن عمرها، خاصة أن رد فعل الناس يشعرها بالسعادة، وتابعت ساندي كل سنة بحتفل ب 22 والناس بتصدق وتقولي إزاي أنا كنت صغير أوي وأنا بسمعك وكبرت واتخرجت واشتغلت إزاي أنت 22، مبسوطة أنهم مصدقين بس أنا بحتفل بالرقم عشان بحبه جدا، والشكل بتاعي مديني شكل طفولي، أنا مبسوطة فعشان كده بقول عادي.
