نشر اللاعب محمد أشرف روقا، لاعب نادي الزمالك السابق وحرس الحدود الحالي، بيان رسمي عبر حسابه على إنستجرام، حيث وجه رسالة قوية لكل من عبد الواحد السيد وأيمن عبد العزيز، وذلك ردًا على تصريحاتهم الأخيرة حول كواليس رحيله عن القلعة البيضاء.
رسالة محمد أشرف روقا
أشار محمد أشرف روقا في بيانه الأخير على إنستجرام، قائلًا:
أنا أول مرة أكتب أو أعلق على موضوع سبق وذكرته، أو أرد على حد وأذكره باسمه، لكن كلامي هنا موجه لكابتن عبد الواحد السيد، حضرتك عارف إني بحبك وبحترمك، وده بند في عقدي اللي حضرتك قلت إنه مش موجود، وكمان بتقول المفترض إني شخص متربي، لا هو ده أكيد مش المفترض، وأنا الحمد لله متربي كويس جدًا ومش محتاج حد يقول كده، وحضرتك عارف إني مليش في التحوير.
وأضاف روقا قائلًا:
أما بالنسبة لكابتن أيمن عبد العزيز، حضرتك بتقول إني لما جيت الزمالك جيت من لا شيء، لكن مش مشكلتي إن حضرتك متعرفش حاجة، قبل ما أجي القلعة البيضاء ربنا كرمني ولعبت مع المنتخب الأوليمبي تحت قيادة كابتن حسام الحضري، ثم انضممت لمنتخب مصر مع كوبر، وأشير إلى أني مش بقدم حجج زي ما بتقول، يعني مليش في الجو ده خالص، وكمان أنت عارف أنا مين وابن مين، وأنت قولت إني خدت فلوس 6 سنين مجتش من سنة، لا أنا كان بيجي عليا شهور مش بيدخل بيتي جنيه، فأنت مش بتعرف حاجة.
التعليقات