كشف المنتج الفني عن تفاصيل حبه لنادي الزمالك، حيث قال إن الأمر مش بس متعلق بيه، لكن أغلب جماهير الزمالك عندهم نفس الشغف، وأوضح أن النادي عاش حوالي 20 سنة من عدم السعودية-نيوز-سعر-الحديد-الي-3/">الاستقرار الإداري، ورغم كده الجمهور زاد والنادي حقق بطولات ونفسه ينافس بقوة.
وأضاف: “أتحدى لو ريال مدريد مر بكل اللي مرينا بيه… كان اختفى من على الخريطة، إحنا مستمرين بفضل الناس الحلوة اللي بتحب النادي”، مشيرًا إلى أن جمهور الزمالك موجود في كل مكان داخل مصر وخارجها، وهو السبب الرئيسي في ثبات النادي رغم كل الظروف
وعن ارتباطه الشخصي بالزمالك، قال: “من وأنا عندي 3 أو 4 سنين وأنا بروح النادي وبشجع، وبابايا وسامي ومدحت زملكاوية”
وبخصوص اتهامه بأنه “محارب الزمالك الأول”، قال إنه يتصرف حسب الموقف: “لو الأهلي عمل حاجة مش لطيفة… بانتقده، ولو الزمالك اتعرض لشيء غلط… هدافع عنه”
ونفى، خلال لقائه في بودكاست “حكاية مدير مع نهي سعد”، إمكانية توليه منصب إداري داخل النادي، قائلاً: “العمل الإداري محتاج تفرغ… وأنا مش متفرغ، وكمان ما برتاحش للشغل من النوع ده، ماينفعش مهاجم يضيع جون وأنا رئيس النادي! أنا عايز أظل أشجع وأساعد النادي من غير مناصب”
ورداً على سؤال حول قبول تزويج بناته من مشجع أهلاوي، رد المنتج مازحًا: “أشك إن بنتي هتحب أهلاوي! أول سؤال عندنا في العيلة: حضرتك زملكاوي ولا أهلاوي؟”، وأضاف أنه رغم ذلك سيقبل “طالما العريس كويس”، مستشهدًا بأن بنت عمرو الجنايني متزوجة من وائل جمعة، واختتم ضاحكًا: “نص الشركة عندي أهلاوية… وبسيبهم عشان لما الزمالك يكسب أعرف أطلّع عينهم”
التعليقات