نتيجة مباراة انجلترا وصربيا  ، بيستعد منتخب إنجلترا لخوض مواجهة جديدة الليلة أمام منتخب صربيا في تمام العاشرة إلا ربع مساء الخميس على ملعب ويمبلي الشهير، ضمن منافسات الجولة التاسعة من المجموعة الحادية عشرة في التصفيات الأوروبية المؤهلة لكأس العالم 2026 اللي هتستضيفها الولايات المتحدة الأمريكية بالشراكة مع كندا والمكسيك، وبتعتبر المباراة دي فرصة جديدة للأسود الثلاثة علشان يواصلوا سلسلة الانتصارات بعد ما ضمنوا التأهل بشكل رسمي.

نتيجة مباراة انجلترا وصربيا

 

نجح منتخب إنجلترا في تحقيق فوز مهم على منتخب صربيا بهدفين مقابل لا شيء في اللقاء اللي اتلعب مساء اليوم الخميس ضمن منافسات الجولة قبل الأخيرة من التصفيات الأوروبية المؤهلة لكأس العالم 2026، وسيطر الإنجليز على أغلب مجريات المباراة ونجحوا في إنهاء المواجهة بأريحية.

وتقدم منتخب الأسود الثلاثة عن طريق بوكايو ساكا بعد مرور تمانية وعشرين دقيقة، وبعد محاولات متكررة لتعزيز النتيجة تمكن إيبيريشي إيز من تسجيل الهدف التاني في الوقت بدل الضايع ليأكد تفوق إنجلترا قبل صافرة النهاية.

وبعد الفوز ده وصل رصيد المنتخب الإنجليزي للنقطة 21 محافظًا على قمة مجموعته، ويدخل الجولات المتبقية بدون أي ضغط بعدما كان قد ضمن التأهل رسميًا إلى مونديال 2026 قبل الجولة الحالية من التصفيات.

المنتخب الإنجليزي قدر يحسم بطاقة الصعود للمونديال من الجولة اللي فاتت بعدما حقق فوز كبير على لاتفيا بخماسية نظيفة، واللي خلت رصيده يرتفع لـ 18 نقطة جمعهم من ست انتصارات متتالية، سجل خلالها 18 هدف من غير ما يستقبل أي هدف، وده بيأكد تفوق الفريق الكامل على باقي منتخبات المجموعة سواء في القوة الهجومية أو التنظيم الدفاعي.

المدير الفني الألماني توماس توخيل داخل اللقاء وهو مطمئن على وضع فريقه، لكنه في نفس الوقت عايز يقدم عرض قوي قدام جماهير ويمبلي اللي دايمًا بتنتظر أداء ممتع، وبيفكر يستغل المباراة علشان يجرب بعض العناصر الجديدة خاصة في ظل الغيابات اللي بيعاني منها المنتخب الإنجليزي مؤخرًا، وكمان علشان يجهز نفسه للمباراة الختامية في التصفيات.

أما منتخب صربيا فبيدخل اللقاء وطموحه إنه يحقق نتيجة إيجابية تساعده في تحسين مركزه بالمجموعة، وبيحتل حاليًا المركز التالت برصيد عشر نقاط جمعهم من الفوز في تلات مباريات والتعادل في واحدة والخسارة في اتنين، وسجل سبع أهداف واستقبل نفس العدد، وده معناه إن أداءه متوازن لكنه محتاج دفعة هجومية أكبر علشان ينافس على الوصافة.

الجماهير الإنجليزية مستنية تشوف وجوه جديدة في التشكيل اللي هيبدأ بيه توخيل، خصوصًا إن الفريق عنده لقاء أخير قدام ألبانيا يوم الأحد الجاي في ختام التصفيات، واللي هتكون بمثابة تتويج لمشوار ناجح للأسود الثلاثة، اللي بيدخلوا المونديال الجاي بثقة وطموح كبير لتحقيق إنجاز جديد لكرة إنجلترا.